Site Relocation

Moved to waiphyok.com

Friday, December 14, 2007

Christmas - Buy your Gifts!


ခရစ်မတ်စ်ကာလမှာ ကျွန်တော် ခေါင်းတကုတ်ကုတ်နှင့် အလုပ်တွေရှုပ်နေရပါတယ်။ ဘလော့ခ်ကို Pause လုပ်ထားလိုက်ရပြီး ခုမှ ကျန်နေသေးတဲ့ ပို့စ်တွေ တင်တာဖြစ်ပါတယ်။ =D



လက်ဆောင်တွေ မ၀ယ်ပေးရတဲ့လူများ သင်တို့၏ ချစ်သောသူများ၊ မိဘဆွေမျိုးများကို ၀ယ်ပေးဖို့မမေ့ပါနှင့်။ အင်္ဂလိပ် အထာမို့လို့ ကြည့်မရဘူးပဲပြောပြော၊ လူတိုင်းကတော့ လက်ဆောင်လေးရရင်ကျေနပ်တာပါပဲ။ လမ်းထိပ်က ကြက်ဆီထမင်းကို သပ်သပ်ရပ်ရပ်ဘူးနှင့် ထုပ်ပြီးတော့ Merry Christmas တော့ မလုပ်နှင့်ပေါ့ဗျာ။ အနည်းဆုံး Raoul က ရှပ်အင်္ကျီ၊ Guess က ပိုက်ဆံအိတ်လေးလောက်တော့ ၀ယ်ပေးလိုက်ပါ။ ကျွန်တော်တို့လို ပိုက်ဆံမရှိသော နည်းပညာသမားများကလည်း စိတ်ဓါတ်မကျပါနှင့်။ ၀င်းဒိုးယူဆာတွေကို ဗိုင်းရပ်စ်နိုင်နည်း၊ သတ်နည်း၊ နပန်းလုံးနည်း၊ တနေ့ကို Format ဘယ်နှစ်ခါအများဆုံးရိုက်သင့်သလဲ၊ ဒီ Theme ကနေ ဟို Theme လေး ခဏခဏ ပြောင်းနည်း စတဲ့ကျမ်းလေးများ ၀ယ်ပေးနိုင်ပါတယ်။

စက်ပစ္စည်းအားဖြင့်လည်း အိုင်ပေါ့တွေ ဈေးကြီးတယ်ထင်တဲ့လူတွေအတွက် မိုက်ခရိုဆော့ဖ်ရဲ့ အင်မတန်မှ လှပခန့်ညားထယ်ဝါ ၀င့်ဝါ ၀င့်ကြွားသော Zune လေးတွေရှိပါတယ်။ ၀ယ်သာဝယ်လိုက်ပါ၊ သူတို့မှာ မရောင်းရသေးလို့ အားငယ်နေတာ၊ အားပေးရာလည်း ရောက်ပါတယ်။ နောက်ပြီး မိုက်ခရိုဆော့ဖ် တစိတ်တပိုင်းပိုင်တဲ့ Facebook ဆိုတာလည်း ရှိပါတယ်။ တနေ့တနေ့ အဲ့ဒီမှာ အချိန်ဖြုန်းပေးပါ။ ခရစ်စ်မတ်မှာ အားအားယားယား Zombie ကိုက်တမ်း၊ HotFriends ရှာတမ်း လုပ်ကြပါ။ ပြီးရင် အဓိက ကျွန်တော်ပြောနေတဲ့အချက်ဖြစ်တဲ့ Gift လေးတွေကိစ္စ၊ အဲ့ဒါတွေကို Facebook ပေါ်မှာတင် ၀ယ်ယူအားပေးပြီး လက်ဆောင်ပေးကြပါ။ အဲဒါမှမဟုတ် အိုင်ပေါ့တပ်ခ်ျတွေ၊ အဲ့လို ပွတ်ရဆွဲရ တပ်ခ်ျရတာတွေ ကြိုက်တဲ့သူတွေအတွက် Tablet PC တွေထွက်နေတာ နှစ်ချီနေပြီဆိုတာလည်း မမေ့ပါနှင့်။ ဘာလို့ အဲဒီသေးသေးမဲမဲလေးတွေဝယ်နေမတုံး။ မိုက်ခရိုဆော့ဖ် table pc ဆိုတာ အပြားကြီးက နည်းနည်းနောနောမဟုတ်၊ မျက်နှာပြင်ကြီးတော့ Stylus, လက်ညှိုး၊ လက်မ၊ နှာခေါင်း၊ ခြေမနှင့်ပါ စိတ်တိုင်းကျ ပွတ်သုံးလို့ရပါတယ်။ သုံးပါလေ့။

စီးပွားရေးသမားတွေ အတွက်လည်း အကြံတစ်ခုပေးချင်တာကတော့ Win Office 2007 အစစ်ကိုဝယ်ယူအားပေးပါလို့ ထပ်လောင်းပြောချင်တာပါပဲ။ ခုဆို မက်ခ်မှာ 2008 တောင် ထွက်နေပြီ၊ ဒါပေမယ့် စိတ်မပူပါနှင့်၊ အဲ့ဒါက ခင်ဗျားတို့ကြိုက်တတ်တဲ့ဟာ မဟုတ်လောက်ပါဘူး၊ အရမ်းအလှအပတွေများနေပြီး Animation တွေပါတော့ ခင်ဗျားတို့လို Hardcore တွေဘယ်ကြိုက်မတုံး၊ ဖြုန်းဒိုင်းဆိုလုပ်၊ Ctrl+Alt+Del ဟန်ပြင်နေတဲ့ ဆရာသမားတို့က အဲ့ဒီ နုနုရွရွလေး ပေါ်နေတဲ့ Office 2008 နှင့် ကိုက်မှာမဟုတ်ပါဘူး။ အဲ့တာတော့ သွားမ၀ယ်လေနှင့်။

နောက်မ၀ယ်သင့်တာ တစ်ခုက အိုင်ဖုန်းပဲဗျ။ စင်္ကာပူက သူငယ်ချင်းတွေက အရူးမီးဝိုင်းသလိုဖြစ်နေတော့ ကျွန်တော်လည်း သတိပေးဖို့တာဝန်တော့ရှိလေသဗျ။ ဘယ့်နှယ်ဗျာ Windows Mobile 6 ဆိုတာ ဘယ်လောက်ကောင်းသလဲ၊ အဲ့ဒါတွေကို Smart Phone လို့ခေါ်သဗျ။ အိုင်ဖုန်းက Smart Phone မဟုတ်ဘူးလေ၊ နောက်ပြီး သုံးတဲ့လူတွေ ဘာမှတတ်စရာမလိုဘူးတဲ့။ အဲ့ဒါဘယ်ကောင်းမလဲ ဟုတ်တယ်မဟုတ်လား။ ကျွန်တော့်ကိုပဲ ကြည့် WM သုံးပြီးကတည်းက ဖုန်းမှာ ဗိုင်းရပ်စ်လည်း သတ်တတ်သွားပြီ၊ စပိုင်ဝဲယ်လည်း ထုတ်တတ်သွားပြီ။ Registry တွေလည်း ပြင်တတ်သွားပြီ။ တစ်ရက်ကို Reboot ဘယ်နှစ်ခါချသင့်လဲ လည်း နားလည်သွားတယ်။ ကိစ္စတစ်ခုခုလုပ်ချင်တိုင်း ဒါတော်တော်ကြိုးစားရတယ်လို့ဆိုရမယ်။ ကောင်းတယ်မဟုတ်လား၊ Smart Phone ဆိုတာ သုံးတဲ့လူ Smart ဖြစ်ရမယ်ဆိုတာဗျ။ တခြားတစ်ဖက်ကိုကြည့်ရင် အိုင်ဖုန်းက ခပ်ပိန်းပိန်းလူတွေအတွက်ထုတ်တာပါဗျာ။ ကြည့်လေ။ အကုန်လုံးက တပ်ခ်ျတပ်ခ်ျနှင့် လွယ်နေတော့ ဘယ်လာပြီး ကိုယ်ကတိုးတက်တော့မလဲ။ Application တွေက လှတော့ သုံးချင်၊ အင်တာနက်ဖို့ ပေးရနှင့် သိပ်မကိုက်ဘူးဟတ်လား။ WM မှာဆိုရင် သူ့ရဲ့ Application တွေက သုံးရခက်တော့ ဘာမှမသုံးဖြစ်တော့ တပြားမှကို မကုန်ဘူး။ အဲ့ဒါတွေ စဉ်းစားကြပါ သူငယ်ချင်းတို့၊ သူများ ပွတ်တိုင်းကိုယ်လည်း မပွတ်ချင်နှင့်၊ Windows Mobile ကိုပဲ အားပေးကြပါ။

ဒါအကုန်ပဲထင်ပါတယ်။ ကျွန်တော်ကတော့ အမေ့အတွက် ပိုက်ဆံအိတ်တစ်လုံးဝယ်ပေးဖို့ အလုပ်ရှုပ်နေတယ်ဗျာ။ ခင်ဗျားတို့လည်း အပေါ်က ရှောင်ရန်၊ ဆောင်ရန် လေးတွေကို မမေ့နှင့်ဦး။ အောက်မှာ ဒီအပတ်အတွက် မက်ခ်နှင့် ပတ်သက်တဲ့ သတင်းတွေကို ဖော်ပြပေးလိုက်ပါတယ်။

- Divx Pro ကို အခု အလကား ပေးနေပါတယ်။ သွားယူကြပါ။
- ပန်းသီးရဲ့ ကာတွန်း ကြော်ငြာအသစ်က အရမ်းလှပါတယ်။ Stop-Motion Esque နည်းပညာပါ။ ထွက်တာကြာပေမဲ့ ဘယ်လောက်လှသလဲ မျက်မြင်ပါပဲ။
- Cupertino မှာ ကွန်ပျူတာသေးသေးလေးတွေ တွေ့နေပါပြီတဲ့။ နောက်လမှာ Notebook အသစ်တွေထွက်ပါတော့မယ်။ ငွေရောင်နှင့် ခဲရောင် မက်တဲလစ် တွေပါ။
- Office 2008 က ခွေတွေစပြီးကူးနေပါပြီတဲ့၊ နောက်လမှာပဲ စရောင်းမှာဖြစ်ပါတယ်။
- Quicktime 7.3.1 ထွက်လာပါတယ်။
- Freeverse ရဲ့ Hordes of Orcs အရမ်းကောင်းတယ်ဆိုပါတယ်။ ကစားကြည့်ကြပါ။
- Flash H.264 ကို support ပေးလိုက်တာ သိပ်စိတ်ဝင်စားဖို့ကောင်းပါတယ်။ 3G အိုင်ဖုန်းတွေ ထွက်တော့မှာဖြစ်ပြီး၊ ပန်းသီးက နည်းပညာအသစ်တွေ စမ်းသပ်နေပါတယ်။ Battery (ပထ၀ီ) =P သက်တမ်းကြာရှည်ခံစေရန်ဆိုပါတယ်။


ဒီလောက်ပါပဲ ... ဒီနေ့တော့။

Rgds,
WaiPK